Rica - Rica Manado | Cerita Lucu (08)

Depe Judul "Beli HaPe"
Alo : Ci, ada hape nokia yang murah ?
Ci : ada, sekitar 500ribu depe harga.
Alo : yah, nda ada lebe murah le ?
Ci : ada, mar yang seken.
Alo : adoh, ci ini dang bagimana le, da bilang kwa nokia !! Ci kaseh merek Seken.... Qta nimau merek seken !!!!! 


Depe Judul "Ba tulis"
Ungke dgn Alo...
Ungke...Alo coba nga tulis batman.
Alo...iyo
So 2 jam Alo nda klar tulis,kong Ungke blg...Alo masa so 2 jam ngana nda kelar tulis??
Kong Alo bilang,tunggu kwa so kurang S tu belum tulis..
ungke...wkakakakak,,batman pake S so??
alo...oh iyo katu qt qra Robin...


Depe Judul "Lamu"
Ungke baca puisi for Mientje depe pujaan hati.Ungke: GUNUNG TINGGI KAN KU DAKI, LAUTAN LUAS KAN KU SEBRANGI, BADAI GURUN KAN KU LALUI demi cinta ku padamu
Mientje: kong kiapa nya datang dang tadi malam….?
ungke: UJANG CHAYANK…..


Depe Judul "Garpu"
Alo pimakan bakso dengan maitua baru..
Alo: mas, bakso 2 mar 1 nda pake sayor
Mas: pake telur?
Alo: pake
Mas: pake saos tomat?
Alo : pake
Mas: Pake garpu?
(Alo tadiang.. alo nintau tu garpu apa!"alo cuma tau forok" mar karna alo gengsi
pa maitua, alo bise palang pa mas)
Alo: iya, pake mas.. tapi sedikiiiiiit aja...
Mas: .....????


Depe Judul "Pongoh"
Suatu hari Alo pulang dari skolah so mamanangis,,serta sampe d'rumah kong dia balapor p dpe Mama...
Alo : Ma Npa kwa qt p tmang2 jga gara qt kata pongoh...
Mama : Ngana ley Alo cuma bgtu kong mnangis..Dorang da gara bgmna so??
Alo : Apa Ma????!! =)


Depe Judul "Cek Bumi"
ada satu Tete Nintau pake hp jd dia tindis2 tombol sembarang sampe nda sengaja  tete ta hubungi kantor polisi, langsung pak polisi angkat telepon kong tanya “selamt siang kantor polisi, mohon maaf dgn siapa saya bicara?” karna dengar kantor polisi tete langsung tako kong tete jawab “ini dengan tete manis mau cek situasi dibumi... Bumi aman kah?” =)

No comments:

Post a Comment